ಆಪಲ್ ತನ್ನ ಅವೇ ಡ್ರಾಪಿಂಗ್ ಕಾರ್ಯಕ್ರಮದಲ್ಲಿ ಹೊಸ ಐಫೋನ್ 17 (Apple iPhone 17), ಐಫೋನ್ 17 ಏರ್, ಐಫೋನ್ 17 ಪ್ರೊ ಮತ್ತು 17 ಪ್ರೊ ಮ್ಯಾಕ್ಸ್ ಅನ್ನು ಬಿಡುಗಡೆ ಮಾಡಿದೆ. ನಿರೀಕ್ಷೆಯಂತೆ, ಐಫೋನ್ 17 ಪ್ರೊ ಮಾದರಿಗಳು ಆಪಲ್ನ A19 ಪ್ರೊ ಚಿಪ್ ಅನ್ನು ಒಳಗೊಂಡಿವೆ, ಇದು ಆಪಲ್ನ ಉನ್ನತ ಶ್ರೇಣಿಯ ಚಿಪ್ಸೆಟ್ ಆಗಿರುತ್ತದೆ.
ಐಫೋನ್ 16 ಪ್ರೊ ಮಾದರಿಗಳಿಗೆ ಅಪ್ಗ್ರೇಡ್ ಮಾಡಲಾದ ಈ ಹೊಸ ಮಾದರಿಗಳು ಅನೇಕ ಹೊಸ ವೈಶಿಷ್ಟ್ಯಗಳು ಮತ್ತು ಅಪ್ಗ್ರೇಡ್ಗಳೊಂದಿಗೆ ಬರುತ್ತವೆ. ಎಲ್ಲಾ ಸಾಧನಗಳು ಆಪಲ್ ಇಂಟೆಲಿಜೆನ್ಸ್ನ AI ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತವೆ. ಈ ಬಾರಿ ಬಿಡುಗಡೆಯಾದ ಎಲ್ಲಾ ಮಾದರಿಗಳ ವಿಶೇಷವೆಂದರೆ ಇವುಗಳಲ್ಲಿ 128GB ಮಾದರಿಯು ಕಂಡುಬರುವುದಿಲ್ಲ. ಬದಲಾಗಿ ಎಲ್ಲ ಮಾದರಿಯು 256GB ಸ್ಟೋರೇಜ್ನಿಂದ ಪ್ರಾರಂಭವಾಗುತ್ತದೆ.
ಐಫೋನ್ 17 ವೈಶಿಷ್ಟ್ಯಗಳು
ಐಫೋನ್ 17 ಡ್ಯುಯಲ್-ಸೈನ್ ಫೋನ್ ಆಗಿದ್ದು, ಇದು iOS 26 ನೊಂದಿಗೆ ಬಂದಿದೆ. ಯುಎಸ್ನಲ್ಲಿ, ಅದರ ಇ-ಸಿಮ್ ಮಾದರಿ ಮಾತ್ರ ಲಭ್ಯವಿರುತ್ತದೆ, ಆದರೆ ಪ್ರಪಂಚದ ಉಳಿದ ಭಾಗಗಳಲ್ಲಿ ಇದು ನ್ಯಾನೋ + ಇಸಿಮ್ ಸಂಯೋಜನೆಯೊಂದಿಗೆ ಬರುತ್ತದೆ. ಇದು 6.3-ಇಂಚಿನ ಸೂಪರ್ ರೆಟಿನಾ XDR OLED ಡಿಸ್ಪ್ಲೇಯನ್ನು ಹೊಂದಿದ್ದು, 120Hz ರಿಫ್ರೆಶ್ ದರವನ್ನು ಬೆಂಬಲಿಸುತ್ತದೆ. ಆಪಲ್ ಐಫೋನ್ 17 ನಲ್ಲಿ 120Hz ರಿಫ್ರೆಶ್ ದರವನ್ನು ನೀಡಿರುವುದು ಇದೇ ಮೊದಲು. ಇದು ಐಫೋನ್ 16 ಪ್ರೊ ಮಾದರಿಗಳಿಂದ ತೆಗೆದ ಹೊಸ ಪ್ರೊಮೋಷನ್ ಪ್ಯಾನೆಲ್ ಆಗಿದೆ. ಈ ಫೋನ್ನ ಪರದೆಯು 3,000 ನಿಟ್ಗಳ ಗರಿಷ್ಠ ಹೊಳಪನ್ನು ಬೆಂಬಲಿಸುತ್ತದೆ.
ಈ ಬಾರಿ ಆಪಲ್ ಐಫೋನ್ 17 ನಲ್ಲಿ ಸೆರಾಮಿಕ್ ಶೀಲ್ಡ್ 2 ರಕ್ಷಣೆಯನ್ನು ನೀಡಿದೆ. ಇದರ ಜೊತೆಗೆ, ಆಲ್ವೇಸ್ ಆನ್ ಡಿಸ್ಪ್ಲೇ ವೈಶಿಷ್ಟ್ಯವು ಸಹ ಇದರಲ್ಲಿ ಲಭ್ಯವಿರುತ್ತದೆ. ಐಫೋನ್ 17 ನಲ್ಲಿ IP68 ರೇಟಿಂಗ್ ಅನ್ನು ಸಹ ನೀಡಲಾಗಿದೆ. ಕ್ಯಾಮೆರಾದ ಬಗ್ಗೆ ಹೇಳುವುದಾದರೆ, ಐಫೋನ್ 17 ನಲ್ಲಿ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ವ್ಯವಸ್ಥೆ ಲಭ್ಯವಿರುತ್ತದೆ. ಇದರ ಮುಖ್ಯ ಕ್ಯಾಮೆರಾ 48MP ಆಗಿರುತ್ತದೆ ಮತ್ತು ಈ ಸಂವೇದಕವು 2X ಟೆಲಿಫೋಟೋ ಕ್ಯಾಮೆರಾದಂತೆಯೂ ಕಾರ್ಯನಿರ್ವಹಿಸುತ್ತದೆ. ಇದರ ಜೊತೆಗೆ, 48MP ಫ್ಯೂಷನ್ ಅಲ್ಟ್ರಾ ವೈಡ್ ಕ್ಯಾಮೆರಾ ಸಹ ಇದರಲ್ಲಿ ಲಭ್ಯವಿರುತ್ತದೆ. ಇದರ ಸಹಾಯದಿಂದ, ಬಳಕೆದಾರರು ಮ್ಯಾಕ್ರೋ ಶಾಟ್ಗಳನ್ನು ಕ್ಲಿಕ್ ಮಾಡಲು ಸಾಧ್ಯವಾಗುತ್ತದೆ. ಐಫೋನ್ 17 ನ ಮುಂಭಾಗದಲ್ಲಿ ಹೊಸ ಸೆಂಟರ್ ಸ್ಟೇಜ್ ಕ್ಯಾಮೆರಾವನ್ನು ನೀಡಲಾಗಿದೆ.
ಐಫೋನ್ 17 A19 ಚಿಪ್ಸೆಟ್ ಹೊಂದಿದೆ. ಒಟ್ಟಾರೆಯಾಗಿ, ಈ ಫೋನ್ನ CPU ಕಾರ್ಯಕ್ಷಮತೆ ಐಫೋನ್ 16 ಗಿಂತ 40% ವೇಗವಾಗಿರುತ್ತದೆ. ಅಲ್ಲದೆ, ಈ ಬಾರಿ ಆಪಲ್ ಫೋನ್ಗಳ ಸಂಗ್ರಹಣೆಯನ್ನು ಹೆಚ್ಚಿಸಿದೆ ಮತ್ತು ಈಗ ಮೂಲ ರೂಪಾಂತರವು 256GB ಆಗಿರುತ್ತದೆ. ಇದು ಪ್ರೊ ಮಾದರಿಗಳಂತೆ ಆಪಲ್ ಇಂಟೆಲಿಜೆನ್ಸ್ ವೈಶಿಷ್ಟ್ಯವನ್ನು ಬೆಂಬಲಿಸುತ್ತದೆ. ಆಪಲ್ ಪ್ರಕಾರ, ಐಫೋನ್ 17 ರ ಬ್ಯಾಟರಿ ಬಾಳಿಕೆ ಐಫೋನ್ 16 ಗಿಂತ ಎಂಟು ಗಂಟೆಗಳು ಹೆಚ್ಚು. ಈ ಬಾರಿ ಫೋನ್ನ ಚಾರ್ಜಿಂಗ್ ವೇಗವನ್ನು ಸಹ ಹೆಚ್ಚಿಸಲಾಗಿದೆ. ಈಗ ಅದನ್ನು ಕೇವಲ 20 ನಿಮಿಷಗಳಲ್ಲಿ 50% ಚಾರ್ಜ್ ಮಾಡಬಹುದು.
ಐಫೋನ್ 17 ಪ್ರೊ ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಫೀಚರ್ಸ್:
ಐಫೋನ್ 17 ಪ್ರೊ ಮಾದರಿಗಳು ಅಲ್ಯೂಮಿನಿಯಂ ಬಿಲ್ಡ್ನೊಂದಿಗೆ ಬಂದಿವೆ, ಅಂದರೆ ಆಪಲ್ ಪ್ರೊ ಮಾದರಿಗಳಲ್ಲಿ ಟೈಟಾನಿಯಂ ಬಾಡಿಯನ್ನು ಕೈಬಿಟ್ಟಿದೆ. ವಿಶೇಷವೆಂದರೆ ಹೊಸ ಐಫೋನ್ ಏರ್ ಅನ್ನು ಟೈಟಾನಿಯಂ ಬಾಡಿಯೊಂದಿಗೆ ಬಿಡುಗಡೆ ಮಾಡಲಾಗಿದೆ. ಆಪಲ್ ಇದರಲ್ಲಿ ಯುನಿಬಾಡಿ ವಿನ್ಯಾಸವನ್ನು ಅಳವಡಿಸಿಕೊಂಡಿದೆ, ಕಳೆದ ಬಾರಿಗಿಂತ ವಿಭಿನ್ನ ಮತ್ತು ದೊಡ್ಡ ಕ್ಯಾಮೆರಾ ಮಾಡ್ಯೂಲ್ ಲಭ್ಯವಿದೆ.
ಮೊದಲ ಬಾರಿಗೆ, ಐಫೋನ್ 17 ಪ್ರೊ ಭಾರೀ ಕೆಲಸದ ಹೊರೆಗಳ ಸಮಯದಲ್ಲಿ ಉತ್ತಮ ಕಾರ್ಯಕ್ಷಮತೆಯನ್ನು ನೀಡಲು ವಿನ್ಯಾಸಗೊಳಿಸಲಾದ ವೇಪರ್ ಚೇಂಬರ್ ಕೂಲಿಂಗ್ ವ್ಯವಸ್ಥೆಯನ್ನು ಹೊಂದಿದೆ. ಐಫೋನ್ 17 ಪ್ರೊ 6.3-ಇಂಚಿನ ಸೂಪರ್ ರೆಟಿನಾ XDR ಡಿಸ್ಪ್ಲೇಯನ್ನು ಹೊಂದಿದ್ದು ಅದು ಪ್ರೊಮೋಷನ್ನೊಂದಿಗೆ 120Hz ರಿಫ್ರೆಶ್ ದರವನ್ನು ಬೆಂಬಲಿಸುತ್ತದೆ, ಆದರೆ 17 ಪ್ರೊ ಮ್ಯಾಕ್ಸ್ 6.9-ಇಂಚಿನ ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಎರಡೂ ಸೆರಾಮಿಕ್ ಶೀಲ್ಡ್ 2 ರಕ್ಷಣೆಯನ್ನು ಹೊಂದಿವೆ, ಇದು ಆಪಲ್ ಪ್ರಕಾರ, ಗೀರುಗಳಿಂದ 3 ಪಟ್ಟು ಉತ್ತಮ ರಕ್ಷಣೆ ನೀಡುತ್ತದೆ.
ಹೊಸ A19 ಪ್ರೊ ಚಿಪ್ಸೆಟ್ ಅನ್ನು ಐಫೋನ್ 17 ಪ್ರೊ ಮಾದರಿಗಳಲ್ಲಿ ಬಳಸಲಾಗಿದೆ. ಇದು ಹಳೆಯ ಪೀಳಿಗೆಗಿಂತ 40% ಉತ್ತಮ ಕಾರ್ಯಕ್ಷಮತೆಯನ್ನು ನೀಡುವ ತಮ್ಮ “ಅತ್ಯಂತ ಸಮರ್ಥ” ಚಿಪ್ ಎಂದು ಆಪಲ್ ಹೇಳಿಕೊಂಡಿದೆ. ಕ್ಯಾಮೆರಾದ ಬಗ್ಗೆ ಹೇಳುವುದಾದರೆ, ಐಫೋನ್ 17 ಪ್ರೊ ಮಾದರಿಗಳು ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಪಡೆಯುತ್ತವೆ. ಇದು 48MP ಮುಖ್ಯ, 48MP ಅಲ್ಟ್ರಾವೈಡ್ ಮತ್ತು 48MP ಟೆಲಿಫೋಟೋ ಲೆನ್ಸ್ ಅನ್ನು ಹೊಂದಿರುತ್ತದೆ. ಐಫೋನ್ನ ಮೂರು ಬ್ಯಾಕ್ ಕ್ಯಾಮೆರಾಗಳು 48MP ಆಗಿರುವುದು ಇದೇ ಮೊದಲು. ಮುಂಭಾಗದಲ್ಲಿ 18MP ಸೆಂಟರ್ ಸ್ಟೇಜ್ ಕ್ಯಾಮೆರಾ ನೀಡಲಾಗಿದೆ. ಐಫೋನ್ 17 ಪ್ರೊ ಮಾದರಿಗಳು iOS 26 ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಇದು ಲಿಕ್ವಿಡ್ ಗ್ಲಾಸ್ ಬಳಕೆದಾರ ಇಂಟರ್ಫೇಸ್ ಮತ್ತು ಹೊಸ ಆಪಲ್ ಇಂಟೆಲಿಜೆನ್ಸ್ ವೈಶಿಷ್ಟ್ಯಗಳನ್ನು ಸಹ ಪಡೆಯುತ್ತದೆ.
ಯುನಿಬಾಡಿ ವಿನ್ಯಾಸದಿಂದಾಗಿ, ಇದು ದೊಡ್ಡ ಬ್ಯಾಟರಿಯನ್ನು ಹೊಂದಿದೆ. ಐಫೋನ್ 17 ಪ್ರೊ ಮ್ಯಾಕ್ಸ್ ಇಲ್ಲಿಯವರೆಗಿನ ಅತ್ಯುತ್ತಮ ಬ್ಯಾಟರಿ ಬಾಳಿಕೆಯನ್ನು ಹೊಂದಿರುತ್ತದೆ ಎಂದು ಆಪಲ್ ಹೇಳಿಕೊಂಡಿದೆ. ಇದು ಮಾತ್ರವಲ್ಲದೆ, ಪ್ರೊ ಮಾದರಿಗಳು ಈಗ ಹೆಚ್ಚಿನ ಶಕ್ತಿಯೊಂದಿಗೆ ಚಾರ್ಜರ್ ಅನ್ನು ಸಹ ಬೆಂಬಲಿಸುತ್ತವೆ. ಇದು ಕೇವಲ 20 ನಿಮಿಷಗಳಲ್ಲಿ 50% ವರೆಗೆ ಚಾರ್ಜ್ ಮಾಡುತ್ತದೆ.
ಐಫೋನ್ 17, ಐಫೋನ್ 17 ಏರ್, ಐಫೋನ್ 17 ಪ್ರೊ ಮತ್ತು 17 ಪ್ರೊ ಬೆಲೆ ಎಷ್ಟು?:
ಐಫೋನ್ 17 ಪ್ರೊ ಬೆಲೆ 1,099 ಡಾಲರ್ನಿಂದ ಪ್ರಾರಂಭವಾಗುತ್ತದೆ. ಐಫೋನ್ 17 ಪ್ರೊ ಮ್ಯಾಕ್ಸ್ ಬೆಲೆ 1,199 ಡಾಲರ್ನಿಂದ ಪ್ರಾರಂಭವಾಗುತ್ತದೆ.
ಮಾರಾಟ ಯಾವಾಗ ಪ್ರಾರಂಭವಾಗುತ್ತದೆ?
ಐಫೋನ್ 17 ಸರಣಿಯ ಎಲ್ಲಾ ಮಾದರಿಗಳನ್ನು ಸೆಪ್ಟೆಂಬರ್ 12 ರಂದು ಸಂಜೆ 5:30 ರಿಂದ ಭಾರತದಲ್ಲಿ ಪೂರ್ವ-ಆರ್ಡರ್ಗೆ ಲಭ್ಯವಾಗಲಿದೆ. ಎಲ್ಲಾ ಐಫೋನ್ ಮಾದರಿಗಳ ಮಾರಾಟವು ಸೆಪ್ಟೆಂಬರ್ 19 ರಂದು ಭಾರತದಲ್ಲಿ ಆಪಲ್ನ ಆನ್ಲೈನ್ ಮತ್ತು ಆಫ್ಲೈನ್ ಅಂಗಡಿಗಳಲ್ಲಿ ಹಾಗೂ ಪ್ರಮುಖ ಇ-ಕಾಮರ್ಸ್ ಪ್ಲಾಟ್ಫಾರ್ಮ್ಗಳಲ್ಲಿ ನಡೆಯಲಿದೆ
