ಪುತ್ತೂರು: ಶಾಲಾ ಶಿಕ್ಷಣ ಇಲಾಖೆ, ಜಿಲ್ಲಾ ಶಿಕ್ಷಣ ನಿರ್ದೇಶಕರ ಕಚೇರಿ ಮಂಗಳೂರು, ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಮಂಗಳೂರು ಹಾಗೂ ಅಲ್ ಬದ್ರಿಯಾ ಆಂಗ್ಲ ಮಾಧ್ಯಮ ಶಾಲೆ ಕೃಷ್ಣಾಪುರ, ಸುರತ್ಕಲ್ ಇವರ ಸಂಯುಕ್ತ ಆಶ್ರಯದಲ್ಲಿ ಜರುಗಿದ ಜಿಲ್ಲಾ ಮಟ್ಟದ 14 ವರ್ಷ ಹಾಗೂ 17 ವರ್ಷ ವಯೋಮಾನದ ಬಾಲಕ ಮತ್ತು ಬಾಲಕಿಯರ ತ್ರೋಬಾಲ್ ಪಂದ್ಯಾಟದಲ್ಲಿ ಪುತ್ತೂರಿನ ಪಾಂಗ್ಳಾಯಿ ದರ್ಬೆಯ ಬೆಥನಿ ಆಂಗ್ಲ ಮಾಧ್ಯಮ ಶಾಲೆ ಅಭೂತಪೂರ್ವ ಯಶಸ್ಸು ಗಳಿಸಿದೆ.
*ತಂಡಗಳ ಸಾಧನೆ:*
*ಪ್ರಥಮ ಸ್ಥಾನ (* ವಿಭಾಗೀಯ ಮಟ್ಟಕ್ಕೆ ಆಯ್ಕೆ): ಶಾಲೆಯ 14 ವರ್ಷ ವಯೋಮಾನದ ಬಾಲಕಿಯರ ತಂಡವು ಅತ್ಯುತ್ತಮ ಪ್ರದರ್ಶನ ನೀಡಿ ಪ್ರಥಮ ಸ್ಥಾನ ಪಡೆದುಕೊಳ್ಳುವುದರೊಂದಿಗೆ ಮೈಸೂರು ವಿಭಾಗೀಯ ಮಟ್ಟಕ್ಕೆ ಆಯ್ಕೆಯಾಗಿದೆ.
*ದ್ವಿತೀಯ ಸ್ಥಾನ:* 14 ವರ್ಷ ವಯೋಮಾನದ ಬಾಲಕರ ತಂಡ ಹಾಗೂ 17 ವರ್ಷ ವಯೋಮಾನದ ಬಾಲಕಿಯರ ಎರಡೂ ತಂಡಗಳು ದ್ವಿತೀಯ ಸ್ಥಾನ ಗಳಿಸಿ ಗಮನಾರ್ಹ ಸಾಧನೆ ಮೆರೆದಿವೆ.
ಮಿಂಚಿದ ಕ್ರೀಡಾಪಟುಗಳು (ವೈಯಕ್ತಿಕ ಪ್ರಶಸ್ತಿಗಳು):
14ರ ವಯೋಮಾನದ ಬಾಲಕಿಯರ ವಿಭಾಗ: ಸಮನ್ವಿ ಕೆ. (ಬೆಸ್ಟ್ ಆಲ್ ರೌಂಡರ್) ಹಾಗೂ ಜೇರುಷಾ ಡಿ’ಅಲ್ಮೇಡಾ (ಬೆಸ್ಟ್ ಸ್ಮಾಶರ್)
14ರ ವಯೋಮಾನದ ಬಾಲಕರ ವಿಭಾಗ: ಪೂರ್ವಿಕ್ (ಬೆಸ್ಟ್ ಸ್ಮಾಶರ್)
17ರ ವಯೋಮಾನದ ಬಾಲಕಿಯರ ವಿಭಾಗ: ಸಾನ್ವಿ ಪ್ರಿಷ್ಮಾ ಮೊಂತೆರೋ (ಬೆಸ್ಟ್ ಸ್ಮಾಶರ್)
ವಿಜೇತ ಕ್ರೀಡಾಪಟುಗಳು ಶಾಲೆಯ ಪ್ರಾಂಶುಪಾಲರಾದ ಭಗಿನಿ ಅನಿತಾ ರವರ ಪ್ರೋತ್ಸಾಹದಾಯಕ ಮಾರ್ಗದರ್ಶನದಲ್ಲಿ ಹಾಗೂ ದೈಹಿಕ ಶಿಕ್ಷಕರಾದ ಶ್ರೀ ನಿರಂಜನ್, ಶ್ರೀ ಅಕ್ಷಯ್ ಹಾಗೂ ಶ್ರೀ ಹರೀಶ್ ಅವರ ಕಠಿಣ ಹಾಗೂ ಶ್ರಮದಾಯಕ ತರಬೇತಿಯ ಫಲವಾಗಿ ಈ ಮಹತ್ವದ ಸಾಧನೆಗೈದಿದ್ದಾರೆ.
ಕ್ರೀಡಾ ಕ್ಷೇತ್ರದಲ್ಲಿ ಶಾಲೆಯ ಕೀರ್ತಿಪತಾಕೆಯನ್ನು ಎತ್ತಿ ಹಿಡಿದ ಈ ಸಾಧಕರಿಗೆ ಶಾಲೆಯ ಸಂಚಾಲಕರು, ಪ್ರಾಂಶುಪಾಲರು, ಆಡಳಿತ ಮಂಡಳಿ, ಪೋಷಕರು, ಶಿಕ್ಷಕ ವೃಂದ ಹಾಗೂ ವಿದ್ಯಾರ್ಥಿ ಬಳಗ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸಿ, ಮುಂಬರುವ ಮೈಸೂರು ವಿಭಾಗೀಯ ಮಟ್ಟದ ಪಂದ್ಯಾಟಕ್ಕೆ ಶುಭ ಹಾರೈಸಿದ್ದಾರೆ.












