ಅಮೆರಿಕದ ಯಾವುದೇ ದಾಳಿಗೆ ಪ್ರತಿಕ್ರಿಯಿಸಲು ಇರಾನ್ ಸಂಪೂರ್ಣವಾಗಿ ಸಿದ್ಧವಾಗಿದೆ ಎಂದು ಇರಾನ್ ಮಾಧ್ಯಮಗಳು ಹೇಳಿಕೊಂಡಿವೆ. ವರದಿಯ ಪ್ರಕಾರ, ಇರಾನ್ ತನ್ನ ಎಲ್ಲಾ ಲಾಂಚರ್ಗಳನ್ನು ಲೋಡ್ ಮಾಡಿದೆ ಮತ್ತು ದಾಳಿ ಮಾಡಲು ಸಂಪೂರ್ಣವಾಗಿ ಸಿದ್ಧವಾಗಿದೆ.
ಇರಾನ್ ಪರಮಾಣು ಒಪ್ಪಂದಕ್ಕೆ ಒಪ್ಪದಿದ್ದರೆ, ಅದರ ಪರಮಾಣು ತಾಣಗಳ ಮೇಲೆ ದಾಳಿ ಮಾಡಲಾಗುವುದು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎಚ್ಚರಿಸಿರುವ ಸಮಯದಲ್ಲಿ ಈ ಹೇಳಿಕೆ ಬಂದಿದೆ. ದಾಳಿಗೆ ಸಿದ್ಧತೆಯಾಗಿ ಅಮೆರಿಕವು ಬ್ರಿಟಿಷ್ ನಿಯಂತ್ರಿತ ಡಿಯಾಗೋ ಗಾರ್ಸಿಯಾ ದ್ವೀಪದಲ್ಲಿ ತನ್ನ ಬಿ -2 ಪರಮಾಣು ಬಾಂಬರ್ ವಿಮಾನವನ್ನು ನಿಯೋಜಿಸಿದೆ. ಇದಕ್ಕೆ ಇರಾನ್ ಪ್ರತಿಕ್ರಿಯಿಸಿದ್ದು, ತನ್ನ ಮೇಲೆ ದಾಳಿ ಮಾಡಿದರೆ, ಈ ದ್ವೀಪವನ್ನೂ ಗುರಿಯಾಗಿಸಿಕೊಳ್ಳುವುದಾಗಿ ಹೇಳಿದೆ.
ಇರಾನ್ ಕ್ಷಿಪಣಿಗಳನ್ನು ಸಿದ್ಧಪಡಿಸಿತ್ತು!
ಇರಾನ್ ತನ್ನ ಎಲ್ಲಾ ಕ್ಷಿಪಣಿಗಳನ್ನು ಭೂಗತ ಲಾಂಚರ್ಗಳಿಗೆ ಲೋಡ್ ಮಾಡಿದೆ ಮತ್ತು ಅವು ಉಡಾವಣೆಗೆ ಸಂಪೂರ್ಣವಾಗಿ ಸಿದ್ಧವಾಗಿವೆ ಎಂದು ಟೆಹ್ರಾನ್ ಟೈಮ್ಸ್ ಸಾಮಾಜಿಕ ಮಾಧ್ಯಮ ವೇದಿಕೆ ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿದೆ. ಅಮೆರಿಕ ದಾಳಿ ಮಾಡಿದರೆ, ಅದು ಮತ್ತು ಅದರ ಮಿತ್ರರಾಷ್ಟ್ರಗಳು ಭಾರಿ ಬೆಲೆ ತೆರಬೇಕಾಗುತ್ತದೆ ಎಂದು ಇರಾನ್ ಮಾಧ್ಯಮ ಎಚ್ಚರಿಸಿದೆ.
ಇದಲ್ಲದೆ, ಇರಾನ್ ಅಧಿಕಾರಿಗಳು ತಮ್ಮ ಕ್ಷಿಪಣಿ ಶಕ್ತಿಯನ್ನು ಅಮೆರಿಕಕ್ಕೆ ತೋರಿಸಲು ತಮ್ಮ ಭೂಗತ ಕ್ಷಿಪಣಿ ಬಂಕರ್ಗಳ ವೀಡಿಯೊಗಳನ್ನು ಬಿಡುಗಡೆ ಮಾಡಿದ್ದಾರೆ ಎಂದು ಇರಾನ್ ಅಬ್ಸರ್ವರ್ ವರದಿ ತಿಳಿಸಿದೆ. ಈ ವೀಡಿಯೊಗಳು ಇರಾನ್ನ ಅಪಾಯಕಾರಿ ಕ್ಷಿಪಣಿಗಳ ಶಸ್ತ್ರಾಗಾರವನ್ನು ತೋರಿಸುತ್ತವೆ, ಅವುಗಳೆಂದರೆ:
ಖೇಬರ್ ಶೇಕನ್ – 900 ಮೈಲಿ ವ್ಯಾಪ್ತಿ
ಹಜ್ ಕಾಸಿಮ್ – 850 ಮೈಲಿ ವ್ಯಾಪ್ತಿ
ಗದರ್-ಎಚ್ – 1,240 ಮೈಲಿ ವ್ಯಾಪ್ತಿ
ಸೆಜ್ಜಿಲ್ – 1,550 ಮೈಲಿ ವ್ಯಾಪ್ತಿ
ಇಮಾದ್ – 1,050 ಮೈಲಿ ವ್ಯಾಪ್ತಿ
ಒಂದು ವೇಳೆ ಟೆಹ್ರಾನ್ ಪರಮಾಣು ಒಪ್ಪಂದವನ್ನು ಒಪ್ಪಿಕೊಳ್ಳಲು ನಿರಾಕರಿಸಿದರೆ, ಇರಾನ್ ಮೇಲೆ ಬಾಂಬ್ ಸ್ಫೋಟಿಸುವುದು ಒಂದೇ ನಮ್ಮಲಿರುವ ಆಯ್ಕೆಯಾಗಿದೆ ಎಂದಿತ್ತು. ಇದ್ರಿಂದ ಆಕ್ರೋಶಗೊಂಡ ಇರಾನ್
ಮಿಸೈಲ್ ಸ್ಫೋಟಿಸುವ ಎಚ್ಚರಿಕೆ ಕೊಟ್ಟಿದೆ.
ಟ್ರಂಪ್ ಬೆದರಿಕೆಗೆ ಜಗ್ಗದ ಇರಾನ್ ಅಮೆರಿಕ ದಾಳಿಯನ್ನು ಎದುರಿಸಲು ನಾವು ಸಿದ್ಧರಾಗಿದ್ದೇವೆ ಎಂದು ಹೇಳಿದೆ. ಇರಾನ್ ಪ್ರತೀಕಾರಕ್ಕೆ ಸಿದ್ಧವಾಗಿದೆ. ಅಮೆರಿಕ ದಾಳಿಗೆ ಪ್ರತಿದಾಳಿಗಾಗಿ ಕ್ಷಿಪಣಿಗಳನ್ನು ಸಿದ್ಧಪಡಿಸಲಾಗಿದೆ. ಈ ವಿಚಾರವಾಗಿ ಅಮೆರಿಕದೊಂದಿಗೆ ನೇರ ಮಾತುಕತೆಯನ್ನು ನಡೆಸುವುದಿಲ್ಲ ಎಂದು ಇರಾನ್ ಸ್ಪಷ್ಟವಾಗಿ ಹೇಳಿದೆ.
