ಪ ರಮಾಣು ಯುದ್ಧಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಪರಿಸ್ಥಿತಿ ಅವಲೋಕನ ಮಾಡಿ ಹೇಳುವುದಾದರೆ ಈ ಪರಿಸ್ಥಿತಿಯಲ್ಲಿ ಇರಾನ್ ಏನಾದರೂ ಒಂದು ಎಡವಟ್ಟು ಮಾಡುವುದು ಬಹುತೇಕ ಗ್ಯಾರಂಟಿ ಎಂಬ ಭಯ ಕೂಡ ಆವರಿಸಿದೆ. ಅದರಲ್ಲೂ ನ್ಯೂಕ್ಲಿಯರ್ ಸಾಮರ್ಥ್ಯ ಹೊಂದಿರುವ ಇರಾನ್ ದೇಶದ ವಿರುದ್ಧ ಈಗ, ಬೃಹತ್ ಮಟ್ಟದಲ್ಲಿ ದಾಳಿ ಮಾಡಿರುವ ಅಮೆರಿಕಗೆ ಪಾಠ ಕಲಿಸಲು ಇರಾನ್ ಕೂಡ ಸಿದ್ಧವಾಗಿದೆ.
ಹೀಗೆ, ಎರಡೂ ದೇಶಗಳ ನಡುವೆ ತಿಕ್ಕಾಟ ನಡೆಯುವಾಗಲೇ ಇರಾನ್ ಬೆಂಬಲಕ್ಕೆ ನಿಂತಿರುವ ದೇಶಗಳು ಯಾವುವು ಗೊತ್ತಾ?
ಹೌದು, ಇಸ್ರೇಲ್ & ಇರಾನ್ ನಡುವೆ ಪೂರ್ಣ ಪ್ರಮಾಣದ ಯುದ್ಧ ಶುರುವಾಗಿ ಇಡೀ ಜಗತ್ತು ಸರ್ವನಾಶವಾಗಿ ಹೋಗುವ ಮುನ್ಸೂಚನೆ ಸಿಕ್ಕಿದೆ. ಯಾಕಂದ್ರೆ ಈಗ ಇರಾನ್ ಕೈಯಲ್ಲಿ ಅಣ್ವಸ್ತ್ರಗಳು ಇವೆ, ಹಾಗೇ ಇಸ್ರೇಲ್ ಕೂಡ ಅಮೆರಿಕ ಸೇನೆಯ ಬೆಂಬಲ ಪಡೆದು ನ್ಯೂಕ್ಲಿಯರ್ ಅಂದ್ರೆ ಪರಮಾಣು ಬಾಂಬ್ನ ಹಾಕುವ ಸಾಮರ್ಥ್ಯ ಹೊಂದಿದೆ. ಇದೇ ಕಾರಣಕ್ಕೆ ಈಗ ಆತಂಕ ಹೆಚ್ಚಾಗಿದ್ದು, ಇಸ್ರೇಲ್ & ಇರಾನ್ ನಡುವಿನ ಯುದ್ಧದಲ್ಲಿ ಈಗ ಯಾರು ಯಾರ ಪರವಾಗಿ ಇದ್ದಾರೆ? ಅನ್ನೋ ಮಾತಿಗಿಂತ ಇರಾನ್ ದೇಶಕ್ಕೆ ಬೆಂಬಲ ಕೊಡುತ್ತಿರುವ ಅಷ್ಟೂ ದೇಶಗಳ ಪಟ್ಟಿ ನೋಡೋಣ ಬನ್ನಿ. ಯಾಕಂದ್ರೆ ಇಸ್ರೇಲ್ ಬೆನ್ನಿಗೆ ಪಾಶ್ಚಿಮಾತ್ಯ ದೇಶಗಳು & ಅಮೆರಿಕದ ಸರ್ಕಾರ ಕೂಡ ನಿಂತಿದ್ದು, ಕುತೂಹಲ ಡಬಲ್ ಮಾಡಿದೆ.
ಇರಾನ್ ಬೆಂಬಲಿಸುವ ದೇಶಗಳು ಯಾವುವು?
ಅಂದಹಾಗೆ ಇರಾನ್ ಇದೀಗ ಇಸ್ರೇಲ್ ವಿರುದ್ಧ ಘೋರವಾಗಿ ದಾಳಿ ಮಾಡುತ್ತಿದ್ದು, ಈಗಾಗಲೇ ಹಲವಾರು ನಗರದಲ್ಲಿ ನರಕ ನಿರ್ಮಾಣ ಆಗಿದೆ. ಇಂತಹ ಸಮಯದಲ್ಲೇ ಮತ್ತೊಂದು ಆಘಾತ ಕೂಡ ಎದುರಾಗಿದೆ, ಅದು ಏನೆಂದರೆ ಇರಾನ್ ಸೇನೆಯಿಂದ ದಿಢೀರ್ ಪರಮಾಣು ಪರೀಕ್ಷೆ ನಡೆದಿರುವ ಕುರಿತು ಸಾಕ್ಷ್ಯ ಸಿಕ್ಕಿದೆ. ಹೀಗೆ ಪರಮಾಣು ಬಾಂಬ್ ಪರೀಕ್ಷೆಯ ಮುನ್ಸೂಚನೆ ಸಿಕ್ಕ ತಕ್ಷಣ ಅಮೆರಿಕ ಸೇನೆ ಕೂಡ ಯುದ್ಧಕ್ಕೆ ಭಾರಿ ಭರ್ಜರಿ ಎಂಟ್ರಿಯನ್ನ ಕೊಟ್ಟು ದಾಳಿ ಮಾಡಿದೆ. ಈ ಮೂಲಕ 3ನೇ ಮಹಾಯುದ್ಧ ಶುರು… ಅಂತಾನೇ ಇದೀಗ ಚರ್ಚೆ ಮಾಡಲಾಗುತ್ತಿದೆ. ಇಂತಹ ಸಮಯದಲ್ಲಿ ಇರಾನ್ ಬೆಂಬಲಕ್ಕೂ ಹಲವು ದೇಶಗಳು ನಿಂತು ಸಪೋರ್ಟ್ ಮಾಡುತ್ತಿವೆ.
ಇರಾನ್ ಬೆನ್ನಿಗೆ ನಿಂತ ದೇಶಗಳು ಯಾವುವು?
ರಷ್ಯಾ ಸೇರಿದಂತೆ ಹಲವು ದೇಶಗಳು ಇರಾನ್ ಬೆನ್ನಿಗೆ ನಿಂತಿವೆ. ಈ ಪೈಕಿ, ರಷ್ಯಾ ಹೊರತುಪಡಿಸಿ ಚೀನಾ ಮತ್ತು ಉತ್ತರ ಕೊರಿಯಾ ದೇಶಗಳು ಇರಾನ್ ಬೆನ್ನಿಗೆ ನಿಂತಿವೆ. ವೆನಿಜುವೆಲಾ, ಬೆಲಾರಸ್, ಯೆಮನ್ & ಸಿರಿಯಾ ಸೇರಿ ಲೆಬನಾನ್ ದೇಶಗಳು ಇದೀಗ ಇರಾನ್ ಸೇನೆಗೆ ಬೆಂಬಲ ನೀಡುತ್ತಿವೆ
